Aruliya Perum

நாதன் அருளிய பெரும்-

Written / sung by

Davidsam Joyson

Tamil Christian song lyrics in Tamil script and English letters (Tanglish).

1.நாதன் அருளிய பெரும் கிருபைகட்காய்

நன்றியால் என்னுள்ளம்

பொங்கி வழிந்திடுதே – நாவினாலே

பாடிப் போற்ற நாட்கள் போதுமோ

நல் பாதைதனில் தொடர்ந்தென்னை

நடத்தியதால்

அன்பின் நேசரே

நான் உம்மைப் போற்றுவேன்

எண்ணில்லாத நன்மைகட்காய்

அல்லேலூயா பாடிடுவேன்-2

2. இயேசுவே நீர் எந்தன் பக்கம் இல்லாதிருந்தால் சோதனையாம் வெள்ளத்திலே மாண்டிருப்பேன் நான் நிந்தை துன்ப துயர நேரங்களிலும் உம் நீதியின் வலக்கரத்தால் என்னைத் தாங்கினீர்

3. மீட்டுக்கொண்டீர் மானிடரின் நடுவினின்று நீதியின் கனியாய் மகிமையில் துலங்க நற்குல திராட்சக் கொடியாய் உம்மோடிணைந்து – நாதனே உம் தோட்டத்திலே நானும் நிலைக்க

4. மேலோகத்தில் உம்மையல்லால் யாருண்டெனக்கு – பூலோகில் நீரல்லாது வேறாசையில்லையே உம் ஆலோசனையின்படி என்னை நடத்தி உந்தன் மகிமையிலே நீர் ஏற்றுக்கொள்வீரே

5. ஓட்டம் முடித்த பரிசுத்தர் பரத்தில் ஓய்ந்திருக்கின்றார் தங்கள் அறைகளிலே தாரணியில் நானும் எந்தன் ஓட்டம் முடிக்க தேகம் ஆத்மா ஆவியையும் ஒப்புவிக்கின்றேன்