⌕
Home / Christian Songs / Songs

enthan jeevanilum maa arumai

எந்தன் ஜீவனிலும் மா அருமை

Tamil Christian song lyrics in Tamil script and English letters (Tanglish).

எந்தன் ஜீவனிலும் மா அருமை
உந்தன் கிருபை கிறிஸ்தேசுவே
அந்தமேயில்லா அன்பின் ஆழமதை
எண்ணி நான் துதித்திடுவேனே
1.சந்தோஷமுடன் துதி சாற்றிடுவேன்
சந்ததம் நல்கிடும் நன்மைகட்காய்
நாவினாலே திரு நாமத்தை போற்றிட
நாட்களும் போதுமோ நானிலத்தில்
2.இகமதிலென் பெலன் குறைந்திடினும்
அகமதில் உம் பெலன் பெருகுவதால்
கழுகினைப் போல் புது வாலிபம் என்னுள்ளில்
கிருபையால் அனுதினம் வளர்ந்திடுமே
3.கோதுமை மணி மண்ணில் மாய்வதுபோல்
சேவையில் ஜீவனை ஊற்றிடினும்
தேவா நின் கிருபையின் ஊற்றென்னில் பாய்வதால்
சோராது நிறைபலன் ஈந்திடுவேன்
4.அற்புதமாய் என்னை அழைத்தவரே
அற்பமான எந்தன் சரீரத்தினை
தற்பரனே உந்தன் சாயலாய் மாற்றிடும்
ஒப்பற்ற சுவிசேஷம் ஈந்திட்டீரே
5.கிருபையின் பூரணர் வெளிப்படும் நாள்
மகிமையாய் நெருங்கியே வந்திடுதே
சீர் பொருந்தி அவரோடு நாம் சீயோனில்
சேர்ந்தொன்றாய் வாழுவோம் நித்தியமாய்