⌕
Home / Christian Songs / Songs

kakangkal karainthu sittukkal sirakatiththu

காகங்கள் கரைந்து

Tamil Christian song lyrics in Tamil script and English letters (Tanglish).

காகங்கள் கரைந்து சிட்டுக்கள் சிறகடித்து
காலையில் துதிக்கின்றன
கண்மணி நீயோ கண்ணயர்ந்து தூங்கி
என்னை மறந்தாயோ?
நீ துதிக்காமல் ஜெபிக்காமல் என்ன செய்தாய் ? – எனை
தேடாமல் நாடாமல் என்ன செய்வாய்?
உன்னை ஏங்கி பார்க்கின்றேன்
நீயும் என்னிடம் வந்திடு நீயும் என்னை தேடிடு
1.காலை தேடுவோர் கண்டடைவார்
உன்மேல் என் கண்வைத்து போதிப்பேன்
போகும் வழியை காட்டுவேன்
புதிய கிருபை தந்திடுவேன் – காகங்கள்
ஆபத்தில் நானே கூட இருப்பேன்
ஆழியில் நானே கரம் பிடிப்பேன்
சேற்றினின்று உன்னை தூக்குவேன்
பத்திரமாய் உன்னை கரை சேர்ப்பேன் – காகங்கள்
ஒவ்வொரு நாளும் கூட இருப்பேன்
ஒவ்வொரு நிமிடம் கூட இருப்பேன்
ஒவ்வொரு நொடியும் கூட இருப்பேன்-நீ
கூப்பிடும் போது பதில் கொடுப்பேன் – காகங்கள்
மனிதர்கள் உன்னை கைவிடுவர்
பிரபுக்கள் உன்னை மறந்தே போவர்
உறவுகள் உனைவிட்டு ஓடிப் போவர்
நான்தான் உனக்கு என்றும் துணை – காகங்கள்