⌕
Home / Christian Songs / Songs

kalvari pathai

கல்வாரி பாதை நடந்திடும்
Collections
Good Friday Songs
Written / sung by
Ananth Jeevan photo Ananth Jeevan

Tamil Christian song lyrics in Tamil script and English letters (Tanglish), from the Good Friday Songs collection.

கல்வாரி பாதை
நடந்திடும் பாதம்
பதித்திடும் சுவடுகள் பார்
முள்ளாலே கிரீடம்
வழிந்திடும் ரத்தம்
மண் மீது உறையுது பார்
யாருக்காய் இந்த கொலைப்பயணம்
பாருக்காய் எத்தனை மனதுருக்கம்
யாரது தீயோனின் மறு வடிவம்
சேவகன் உடைக்குள் உன் உருவம்
1.மரிக்கின்றபோது சிரிக்கின்ற தன்மை
பறிக்கின்ற பூவில் பார்த்திடலாம்
அடிக்கின்றபோதே மன்னிக்கும் மனதை
குருசினிலே நாம் கண்டிடலாம்
கலைக்கின்ற போதும் தேனீக்கள் கூட்டம்
தேனை எடுத்து செல்வதில்லை
கொலைக்களம் மீதும் ஆண்டவர் அன்பை ஆயுதம் எதுவும் ஜெயிக்கவில்லை
விதைகளை விதைத்து வினைகளை அறுப்பது தெய்வீக விவசாயமோ
வதைக்கின்ற உன்னை வாழ்விக்கத் தானே
ஆண்டவர் அறுவடையோ
2.காலங்கள்தோறும் மாறிடும் காட்சிகள்
ஆண்டவர் காயத்தை ஆற்றவில்லை
ஆலயம் தோறும் அர்ச்சனை ஆயிரம்
ஆதவன் ஏக்கம் தீர்க்கவில்லை
கதறிடும் பெண்களை கனிவுடன் நோக்கி
உங்களுக்காகவே அழுங்கள் என்றார்
கறைப்பட்ட உள்ளம் முறைபடும் நேரம்
இறைவனின் பாடுகள் தீருமென்றார்
சிலுவையின் பின் நின்று தாக்குகின்றோம்
அவர் முன் வந்து தேம்புகின்றோம்
இயேசுவை கன்னத்தில் அடிக்கின்றோம் நாம்
கண்ணீர் வடிக்கின்றோம்