⌕
Home / Christian Songs / Songs

mikavum irakkamulla thaye

மிகவும் இரக்கமுள்ள தாயே
Collections
Mother Mary SongsRoman Catholic Songs

Tamil Christian song lyrics in Tamil script and English letters (Tanglish), from the Mother Mary Songs and Roman Catholic Songs collection.

மிகவும் இரக்கமுள்ள தாயே
தூய கன்னி மரியே
உம்மிடம் அடைக்கலம் நாடி வந்து
ஆதரவைத் தேடினோம்
பரிவோடு மன்றாடினோர்
எவரையும் நீர் கைவிட்டதாக
உலகில் சொல்லக் கேட்டதில்லை
என்பதை நினைத்து அருள்வாயோ
கன்னியர்களுக்கு அரசியான கன்னிகையே
அடைக்கலம் தருகின்ற நம்பிக்கை என்னைத் தூண்டுவதால்
நான் உன் திருவடியை நாடி வருகின்றேன்
பாவியாகிய நான் உன் திருமுன் துயரத்தோடு
உமது இரக்கத்திற்காய் காத்து நிற்கின்றேன்
மனுவுருவான திருமகனின் தாயே
என் மன்றாட்டை புறக்கணியாமல் கேட்டு அருள்வீராக
ஜென்ம் பாவம் இல்லாமல் உற்பவித்த கன்னி மரியே
பாவிகளுக்கு அடைக்கலமே ஆதரவே
இதோ உம்முடைய அடைக்கலமாக ஓடி வந்தோம்
எங்கள் பேரில் இரக்கமாயிருந்து உம்முடைய திருக்குமாரனை
மன்றாடி வேண்டிக் கொள்ளும்
வார்த்தையே வடிவான இறைமகனின் தாயே
என் மன்றாட்டை புறக்கணியாமல் கேட்டு அருள்வீராக
இறைவனுடைய மகா பரிசுத்த மாதாவே
இதோ உமது இரக்கத்தை தேடி ஓடி வந்தோம்
எங்கள் தேவைகளில் நாங்கள் வேண்டும் போது
நீர் என்றுமே பாரா முகமாய இராதேயும்
ஆசீர் பெற்றவளே மோட்சம் நிறைந்தவளே
கருணையே வடிவான நித்திய கன்னிகையே
அனைத்து ஆபத்துகளிலிருந்தும் எங்களை பாதுகாத்தருளும்
மிகவும் இரக்கமுள்ள தாயே பாடல் வரிகள், Migavum Erakkamulla Thayae Lyrics