⌕
Home / Christian Songs / Songs

Paavam Jeeva Nathiyai Lyrics

பாவம் போக்கும் ஜீவநதியை

Tamil Christian song lyrics in Tamil script and English letters (Tanglish).

பாவம் போக்கும் ஜீவநதியை – Paavam Pokkum Jeeva Nathiyai
பல்லவி
பாவம் போக்கும் ஜீவநதியைப்
பாராய், வந்து பாராய் -பாவி
அனுபல்லவி
தீவினை தீர்க்கும் தேவமரியின்
திருரத்த மிந்த ஆறாம்,-பாரில்! – பாவம்
சரணங்கள்
1. கல்வாரி மலைச்சிகர மீதுற்றுக்
கண்கள் ஐந்து திறந்தே;-அதோ!
மல்கிச் சிலுவை யடியில் விழுந்து
வழிந்தோடுது பாராய் – பாவி
2. பாவச்சுமையால் நொந்து சோர்ந்து
பதறி விழுந் தலறி-நிதம்
கூவியழுத அனந்தம் பேரிதில்
குளித்தே யுளங் களித்தார், – பாவி
3. பத்தருளத்தி லிடைவிடாமல்
பாய்ந்து வளமீந்து-அதை
நித்தமும் பரிசுத்த குணத்தில்
நிலைநாட்டுது பாராய், – பாவி
4. ஒருதரம் இந்த நதியின் தீர்த்தம்
உண்டோர் ஜீவன் கண்டோர்,-தாகம்
அறுதியடைவர்; வேறொருநதிக்
கலையார், தேடி யலையார், – பாவி
5. முன்பின் ஒன்றையும் யோசியாமல்
முழுகாயோ நீ பாவி இந்த
அன்பின் நதியில் விசுவாசம் வைத்தால்
அதுவே போதும் பாவி
6.நித்தியந்தனில் கலந்துறையுஞ் செந்
நீரார் நதியிதிலே-தங்கள்
வஸ்திரந் தோய்த்த சுத்தர் சபையில்
வாழ்ந்துகீதம் பாடாய் – பாவி