⌕
Home / Christian Songs / Songs

pantaiya namathu natu – Pandaya Namathu Naadu

பண்டைய நமது நாடு

Tamil Christian song lyrics in Tamil script and English letters (Tanglish).

பண்டைய நமது நாடு – Pandaya Namathu Naadu
பண்டைய நமது நாடு
சுவிசேஷம் கேட்காத காலம்
இருளின் அந்தகாரம்
என் தாய்த் தமிழ்நாட்டின் கோலம்
அன்று மார்பு மறைக்கவும் இயலா
பள்ளிக்கூடத்தில் செல்லவும் இயலா
கணவன் மரித்துப் போனால்
தீயில் குதித்து சாகணும் தானே
ஜாதி பிசாசு புகுந்து
என் நாட்டை அழித்தொரு காலம்
எளியவர் கண்ணீரைக் கண்டு
என் இதயம் வெடித்த நேரம்
எஜமானுக்காகவே வாழ்ந்து
பின் எஜமானுக்காகவே செத்து
என் பெஞ்சாதி பிள்ளைங்க கூட
இப்ப எஜமானின் சொத்துக்கள் ஆச்சே
கடவுளுக்கில்லையே ஜாதி
என்று சத்தியம் சொல்லித் திரிந்த
நல்ல மிஷனரிமார் இங்கு வந்து
இயேசுவின் அன்பைப் பகிர்ந்து
ஆலயத்தோடொரு பள்ளி
கட்டி மக்களைக் கூவியழைத்து
கல்வியறிவைக் கொடுத்து
அந்தகாரம் கொஞ்சம் நீக்கி
அன்று நான் பைபிளைக் கண்டேன்
என்னை நேசிக்கும் தேவனைக் கேட்டேன்
சிலுவை சுமந்த நாதன்
என் பாவம் போக்கத் தானே
நான் செய்த பாவக் கடன்கள்
எல்லாம் கோரக் குருசில் சுமந்து
சாத்தானின் கோட்டை தகர்த்து
என்னை தேவனின் பிள்ளையாய்த் தீர்த்தார்
தெய்வங்கள் வேறே உண்டானால்
பின் இயேசு மரித்தது வீணே
உன்னையும் என்னையும் மீட்க
வேறு தெய்வங்கள் என்றொன்றும் இலையே
தேவனின் பிள்ளைகள் நாமே
நாம் புது சிருஷ்டிகள் தானே
பழைய ஜாதியின்படியே இன்று
நம்மில் பேதகம் பார்ப்பதும் சரியா
மரித்தவர் உயிர்த்தெழுந்தாரே
என்னைக் கூட்டிச் செல்ல வருவாரே
இயேசுவை தெய்வமாய்க் கொண்ட
மக்களை மட்டுமே சேர்ப்பார்
பேசாமல் எப்படி இருப்பேன்
என்னை நேசித்தவரைப் பாடுவேன்
சொர்க்கத்துக்கான மார்க்கம்
இயேசுவில் விசுவாசம்
இயேசுவில் விசுவாசம்