⌕
Home / Christian Songs / Songs

thamizh patal varikal:

உம் நாமம் அதிசயம்
Written / sung by
A Pauldurai DONALD photo DONALD

Tamil Christian song lyrics in Tamil script and English letters (Tanglish).

தமிழ் பாடல் வரிகள்:
பல்லவி
அதிசயம்! … (3)
விடியற்காலை வான் ஓவியங்கள்
விழியை தீண்டும்!
விடைதேடும் என் எண்ணங்கள்
விண்ணைத் தாண்டும்!
கண்ணுக்கெட்டாத கர்த்தரே! – உம்
கரத்தின் கிரியைகள் அதிசயம்!
புத்திக்கெட்டாத கர்த்தரே! – உம்
படைப்பின் புதுமைகள் அதிசயம்!
அனுபல்லவி
எண்ணி முடியா அதிசயங்கள்
எண்ணிப் பார்க்கிறேன் விரல்விட்டு!
சொல் அடங்கா அதிசயங்கள்
சொல்லால் வரைகிறேன் விரல்கொண்டு!
சரணங்கள்
நீலவானில் நீரைத் தேக்கும்
வெண்மேகங்கள் – அதிசயம்!
நீர்த்துளிகள் வான் மழையாகும்
மாரி காலங்கள் – அதிசயம்!
மழையை பெய்யச் செய்பவரே – விளை
நிலத்தின் பலனை அளிப்பவரே – உம்
நாமம் அதிசயம்!
சிறகடித்து வானில் நிற்கும்
ஓசனிச் சிட்டுகள் – அதிசயம்!
அந்தரத்தில் பூந்தேனை உண்ணும்
வான் வித்தைகள் – அதிசயம்!
விண்ணில் பறக்க செய்பவரே – வெகு
அழகாய் வடிவம் அமைத்தவரே- உம்
நாமம் அதிசயம்!
பாவத்திலிருந் தென்னை தூக்கிய
திரு கரங்கள் – அதிசயம்!
நீர் நடத்தும் தூய பாதையில்
பாத சுவடுகள் – அதிசயம்!
உள்ளங் கைகளில் வரைந்தவரே – என்
நடைகளை எண்ணுபவரே – உம்
நாமம் அதிசயம்!
முடிவு பல்லவி
அந்தி சாயும் மாலை பொழுதில்
என் அகம் மகிழும்!
அகத்தை ஆளும் என் ஆண்டவர்
பாதம் அடி பணியும்!
கண்ணுக்கெட்டாத கர்த்தரே! – உம்
கரத்தின் கிரியைகள் அதிசயம்!
புத்திக்கெட்டாத கர்த்தரே! – உம்
படைப்பின் புதுமைகள் அதிசயம்!